சிட்டு குருவி

வாகனத்தின் கண்ணாடியில்
வன்முறை காட்டும்
சிட்டு குருவியின்
அறியாமையும் ஒரு அழகு தான் !

தனிமை

நான் விரும்புவதில்லை
இருந்தாலும்
என்னோடு இருக்கிறாய் நீ
"தனிமை"

நீ என்

நீ என்
தகவல் அறியும் சட்டம்

அறிந்தேன் உன்னால்
மொத்தம்

இருப்பதென்றால்
மிச்சம்

அதை தருவதில் என்ன
அச்சம் !

நினைவுகளில்

பேருந்து நிறுத்தம்
கடைபலகையில்
உன் பெயரை
பார்க்கையில்
புறப்பட தயாராகி விடுகிறது
உன்னை பற்றிய நினைவுகள் !

பணம்

சீட்டுகட்டுகளில் இருந்திருந்தாலாவது
நோட்டுகட்டுகளின் வாசம் முகர்ந்திருப்பேன்
மனிதகூட்டுக்குள் பிறந்துவிட்டேன்
ரூபாய் நோட்டுகள் இல்லையே
ஏழ்மை பூட்டுதனை தகர்த்தெறிய !

ரணம்

இரவில் நிழல்
தேவை இல்லையென
இலையுதிர்த்ததோ மரம்

என் இதயம் உதிர்ந்தது
எவ்வாறு என
அறியமுடியாத ரணம் !

காதல் கொல்லும்

வானமும் பூமியும்
தொல்லையடி
வானவில் கூட
வெள்ளையடி
சொல்ல வார்த்தைகள்
என்னிடம் இல்லையடி
உன் காதல்
என்னை கொல்லுதடி !!!!!!!

நியாயமா !

நினைவே நீ எனும்போது
மறக்க முடியுமா

கனவே நீ என்பதால்
காண மறுக்க முடியுமா

நீ பேசாது போனால்
நான் ஊமையாகிறேன்

நீ பார்க்காமல் போனால்
விழியற்று போகிறேன்

உன் பாதசுவடுகள் எனக்கு
புகைப்படம்

உன் அன்பு ஒன்றே எனக்கு
நிழற்குடை

என் இதயம் வரை தாக்கும்
நீ பெண்ணாகிய மின்னல்

என்னை வேரோடு சாய்க்கும்
நீ வயல்வெளி தென்றல்

இப்படியே வர்ணித்து
வாழ்க்கை போகுமா

மேகம் இல்லா வானம் தான்
மழையை தூருமா

நான் வானம் என்றால்
என்னுடைய மேகம் நீயம்மா

என்னோடு சேராமல் போவது
உனக்கே நியாயமா !

பெண்ணே

உயிர் உடலில் இல்லை
அது உன்னிடமே
என் உலகம் எங்கேயும் இல்லை
அது அந்த பெண்ணிடமே
ஏ பெண்ணினமே
ஆண்கள் சிக்குவதேல்லாம்
உங்கள் கண்ணிடமே !

கீதம்

அவள் அழைப்புகளுக்கு
என்றும் தடைவிதிக்காத
கைபேசியே
நான் அழைக்கையில் மட்டும்
என்னை ஏமாற்றிவிடுவதேன்

அவளுக்காய் ஏமாறுவதும்
ஒருத்துளி தேன்

அவள் நாணம் கொண்டு
நகம் கடித்தால்
வானம் வடக்கே சிவப்பதேன்

உதட்டு வழி அழைக்கும்
அவள் பெயரும்
என் உள்நெஞ்சின்
கீதம் தான் !

காதல் ! காதல் !

எங்கேயும் காதல்
காதலில் சிறு மோதல்
நினைவினில் சிறு சாதல்
சாதலில் வாழ்தல்
இது தான் காதல்!

பேசுவோம்

உயிர்கள் எல்லாம்
புரிந்த மொழியே
இதயம் மட்டும் பேசும் மொழியே
விழிகள் விதைத்து
விருட்சமாகும்
அன்பு என்ற
காதல் மொழியே
நாமும் பேசுவோம் கொஞ்சம் !

உனக்கு மட்டும்

நீ மட்டும் பேசும்
கைப்பேசி ஆகவா

நீ மட்டும் படிக்கும்
குறுஞ்செய்தி ஆகவா

நீ மட்டும் பார்க்கும்
கண்ணாடி ஆகவா

நீ மட்டும் வாசிக்கும்
புத்தகம் ஆகவா

நீ மட்டும் கேட்கும்
பாடல் ஆகவா

நீ மட்டும் ரசிக்கும்
இயற்கை ஆகவா

நீ மட்டும் வசிக்கும்
தேசமாகவா

உன்னை மட்டும் நனைக்கும்
மழைத்துளி ஆகவா

உனக்காகவே வாழும்
உயிரும் ஆகவா !?

கொஞ்சம் காதல்

உன் அன்னநடையில்
அன்னங்கள் தோற்று போகும்

சின்ன இடையில்
மின்னல்கள் மிரட்டி போகும்

நீ திரும்பி பார்க்க
உன் விழியும் என் தேசமாகும்

உறக்கம் தவிர்த்தே
உளறி தொலைத்தேன்

உனக்குள் விழுந்தே
உலகை மறந்தேன் !

விழியீர்ப்பு

மேலே இருந்து
கீழே விழுந்தது ஆப்பிள்
நியூவ்டன் அறிந்தது
புவியீர்ப்பு சக்தி

உன்னை நோக்கி
என் இதயம் பறக்கையில்
நானும் அறிந்தேன்
உன் விழியீர்ப்பு சக்தி !